Mizo badminton player thi

Mizoram badminton-a hriat hlawh tak Lalramenga chu Pathianni khan pumpui cancer vangin a thi a, kum 32 mi a ni. 

Aizawl Venghlui tlangval Ramenga hi Men's doubles-ah Mizoram No.2 lo ni tawh a ni a, Mizoram aiawhin Sub-junior, Junior leh Senior National Badminton Tournament hrang hrangah a feh chhuak tawh. 

Mizoram chhûng badminton inelna bikah Sub-junior leh age category hrang hrangah a champion nual a,  North East Inter State Tournament 2006 khan Arunachal Pradesh-ah M. Joseph nen ṭangdunin Junior Doubles-ah pahnihna an ni. 

Mizoram Badminton Association (MBA) chuan thuchhuah siamin, "Mizoram badminton tana mi pawimawh kan chan hi pawi kan ti a, a chhungte tan thlamuanna kan dilsak a ni," an ti.