Mizo silai kap thiam che ṭha

India hmarchhak huap rifle leh pistol inkahsiakna 7th North East Zone Shooting Championship 2019 chu August 19-23, 2019 chhung khan neih a ni a, he hunah hian Mizo silai kap thiam ten gold leh silver medal pahnih bakah bronze medal pakhat an kap chhuak.

Inelna hi Guwahati, Assam-ah neih niin, state hrang hrang aṭangin silai kap thiam 261 zet an fuan khawm a, inelna chi hrang 39-ah an inel. North East Zone Shooting hi kum tin neih ṭhin a ni a, a hmasa ber hi Mizoramah kum 2013 khan neih a ni.

Inelna hmachhawn tur hian district tinah shooting championship neih a ni a, heta kap ṭha te hian June 19-21, 2019 khan state championship an hmachhawn leh a, chuta ṭang chuan a ti ṭha thlan chhuah an ni.