Cancer chelh din zawh loh Mihajlovic

Kar ruk liam taa thisen cancer a neih thu hriatchhuah a nih hnu lawkah Bologna manager Sinisa Mihajlovic chuan Serie A match-ah a team a kaihruai a, Hellas Verona nen 1-1 in an inhnehtawk. 

Kum 50 mi manager hian cancer natna hi a hneh ngei tur thu a lo sawi tawh a, chemotherapy la mek a nichungin a naute hi a rawn kaihruai - Pathianni zana an inkhelh hma hian hospital-ah zan 41 chu hun a hmang a ni. 

Italian media-ten an report danin Mihajlovic hian a awmna Sant'Orsola Hospital aṭangin a naute training chu live video hmangin a lo chhim ṭhin a, a player-te hi an match hmasa berah a ṭawiawm tur thu a tiam a ni. 

Roma, Sampdoria, Lazio leh Inter Milan tana lo khel tawh ṭhin  freekick specialist hian January khan Bologna a enkawl ṭan a, season chawhnu lamah enkawl chauh mah se Serie A-ah 10-na a nihpui thei.