Anthony Davis a inhliam
Los Angeles Lakers forward Anthony Davis chuan a keartuiah hliam a tuar a, engtia rei nge a chawlh dawn tih hriat la ni lo mah se a awm lo tur hi NBA champion tan channa lian tak a tling ang.
Nimin zing NBA inkhelah Lakers hi Denver Nuggets lakah 122-105 in an tlawm, he inkhelah hian second quarter an khelh laiin Davis hi Nikola Jokic chuan a tihliam a, lak chhuah a ngaih phah.
Kum 27 mi Davis hian hmanni lawk khan a keartuiah hian hliam a lo tuar tawh a, match hnih a khel thei lo. Nizan khan a dinhmun hi endik a ni a, a chanchin kimchang kan hre hman lo.
Nuggets lakah hian minute 14 chauh khel hman mah se point 15 ngawt a nei hman. LeBron James-a'n point 22 bakah rebound vawi 10 lain double-double nei mah se Lakers chak pui nan a tawk zo ta lo a ni.
Lakers hi Western Conference lamah pahnihna niin an chungah Utah Jazz an awm, regular season laklawh laia Davis an chan a nih chuan conference champion ni tur pawhin kawng a harsa dawn.
NBA Results
Denver Nuggets 122 - 105 Los Angeles
Dallas Mavericks 118 - 121 Portland Reail Blazers
Oklahoma City Thunder 114 - 109 Milwaukee Bucks
Phoenix Suns 109 - 90 Orlando Magic
Sacramento Kings 110 - 124 Memphis Grizzlies
Los Angeles Clippers 128 - 111 Cleveland Cavaliers
Los Angeles Lakers 105 - 122 Denver Nuggets