SAFF U15-ah India-in final lut

Kalyani, West Bengal-a SAFF U-15 Championship khelh mekah India chuan nimin khan 4-0 in Sri Lanka an sawp a, final an lut. 

India hian an match hmasa pahnihah Nepal (5-0) leh Bhutan (7-0) an sawp tawh a, match khat khelh hmabak la nei mah se final an luhna dal thei an awm tawh lo. 

Nimina Sri Lanka nen an inkhelah hian India tan Himanshu Jangra chuan goal hnih a khung a, Shubho Paul leh Tongbram Singh ten goal khat ve ve an khung bawk.

India squad-ah hian Mizo naupang pahnih, forward Isac Zomuanpuia leh midfielder Amosa Lalnundanga te an awm a, nimin inkhelah hian bench aṭanga luhtir ve ve an ni. 

Bangladesh-in Nepal an hneh chuan final lut thei mah se 4-1 in an mualpho a, Nepal zawk hi India nena final khel turin an tling. 

August 31 zanah SAFF Under 15 final hi khelh tur a ni a, Blue Tigers hian league match hnuhnung berah August 29 hian Bangladesh an hmachhawn leh phawt ang.