AIFF-MFA Grassroots Leaders Course

All India Football Federation leh Mizoram Football Association ṭangkawpin an buatsaih Grassroots Leaders Course chu nimin khan Rajiv Gandhi Stadium, Mualpuiah ṭan a ni.

He course-a instructor chu AIFF Grassroots Development lama mi, Indian youth team kaihruaitu hlui Shailesh Karkare a ni a, Mizo football coach 23 te chu naupangte kaihhruai dan a rawn zirtir a ni.

Shailesh Karkare chuan, "Nuam ti tak leh hlim taka an khelh theih dan tur ngaihtuah a, anmahni zawlpuia zu indaha kaihhruai an ngai a. Nungchang ṭha tak nei tura kaihhruai a ṭul bawk," tiin football leh nungchang zirtir kawp a ṭangkai thu a sawi. Grassroots Leaders Course hi August 29 thleng neih a ni ang.

Ni thum awh Grassroots Leader Course hi zingkar aṭanga khawthim thleng theory class leh practical class urhsun takin an kalpui. A tawp ni-ah exam buatsaih a ni ang. Shailesh hi assistant instructor Samson Ramengmawia'n a pui a ni.