Nou Camp kawtah Cruyff-a lim dah

Barcelona chuan an stadium Nou Camp kawtah an club legend Johan Cruyff-a lim chu Thawhṭanni khan an tlangzarh.

Cruyff-a lim phochhuahna hunah hian president Josep Maria Bartomeu leh board member dang Jordi Cardoner, Jordi Moix leh Enrique Tombas te an tel a; player leh manager hlui Cruyff-a nupui Danny Cruyff bakah a fanu leh fapa Susila leh Jordi te an tel bawk.

Johan Cruyff hi total football larpuitute zinga mi a ni a, Ajax leh Barcelona-ah player leh manager niin sulhnu ropui tak a hnutchhiah. Footballer ropui hi March 24, 2016 khan cancer natna vangin kum 68 mi niin a thi.