Khelo India-ah Mizo referee

Khelo India Youth Games Women Football chu January 13-22 chhung hian Guwahati-ah khelh a ni dawn a, inelnaah hian Mizo nula F. Zohmingliani (Nutei) chu match official a ni dawn.

Lunglei College Veng nula Nutei hi Mizo hmeichhe zinga national referee hmasa ber a ni a, tualchhung mai bakah national level-ah hnuhma a nei hnem tawh hle. Mizoram Premier League season hmasa bera match hmasa berah pawh khan match official a lo ni daih tawh a ni.

Khelo India-a match official turte hi January 11 hian inelna tur hmunah in report vek tur a ni dawn. Nutei pawhin January 10, Zirtawpni hian Aizawl aṭangin Guwahati hi 

a pan ang.