MPL khel turin EFC an inpeih

Electric Veng FC chuan August 27 khan an veng YMA Hall-ah MPL Season 8 khuh hawnna an nei a, I Day Football-a an champion an lawm nghal bawk.

EFC president hlui C Lalrokhuma'n khuh hawnna a nei a. Club main sponsor SL Sailo Pharmacy neitu Sainguri Sailo leh an club president hmasa ber RD Sangkhuma te'n MPL8-a an home leh away jersey an tlangzarh.

Electric Veng FC president Lalhmingmawia chuan, "I Day Football-a kan champion hi team-te thawhrimna leh veng mipuite ṭawiawmna Pathianin mal a sawm vang a ni a. Kumin hi kan club kum 25-na, Silver Jubilee a nih angin MPL-ah pawh champion ngei turin kan inbuatsaih," tiin a sawi.

EFC hi season liam ta khan hun rei tak hmahruaitu ni mah se pangana an ni a, semifinal an khel pha lo. Tun season-ah coach ṭha Lalsangzuala Hmar lalutin an phur thar hle.