ISL club thar Hyderabad FC

Indian Super League chuan club thar Hyderabad FC an nei dawn a, Telengana sumdawng hausa Vijay Madduri leh Kerala Blasters CEO hlui Varun Tripuraneni-te chu club neitu thar an ni. 

ISL-a club tel zat ni ṭhin 10 chu a pun phah dawn lo a, sum lama tlachhia Pune City FC chuan ISL aṭanga inhnukdawk tura thutlukna an siam avangin Hyderabad FC hian an hmunruak hi an chang. 

All India Football Federation chuan Pune City hi Chennai City aṭanga dik lo taka Nestor Gordillo an lakluh dan avangin transfer bazar-a che thei lo turin a lo hrem tawh. 

Mahse, club hi an inhnuhdawh tak avangin hremna hi an hmunruak luahtu Hyderabad hian an tuar dawn chuang lo a, engkim a thar anga kalpui a ni ang. 

Hyderabad club neitu Madduri hi University of Texas aṭanga inzirchhuak a ni a,  Incessant Techno-logies-ah Chief Executive Officer (CEO) ni lai a ni. 

Madduri nena thawkdun Tripuraneni hian Kerala Blasters-a CEO dinhmun a chelh bakah Chennaiyin FC-ah Chief Operating Officer (COO) a lo ni tawh a, Indian football-ah a mikhual lo.