India tana gold medal latu Valarivan

International Shooting Sport Federation World Cup-ah India tleirawl Elavenil Valarivan chuan 10m Air Rifle huangah gold medal a kap chhuak a, tun hmain India nula infiammi Apurvi Chandela leh Anjali Bhagwat te chuan World Cup-ah hian pakhatna dinhmun an lo luah tawh bawk.

Nilaini zan khan Rio de Janerio-ah inelna neih niin, kum 20 mi Valarivan hian 251.7 points a hmu a, amah hnaih bertu Great Britain nula Seonaid Mcintosh chuan 250.6 points a hmu thung. Tokyo Olympics 2020 atan India-in 10m Air Rifle bikah infiammi pahnih a tir thei dawn a, world cup hmasa lama che ṭha tak Apurvi Chandela leh Anjum Moudgil ten ticket an lo nei tawh avangin Valarivan tan Olympic ticket a awm thei lo.