LDFA U17 Boys & Women Football Tournament zo fel

Sports for Peace & Development under Khelo India bul tuma Lunglei District FA buatsaih U-17 Boys & Women Football Tournament chu June 29, Inrinni khan zawh fel a ni. 

U17 Boys-ah Farm Veng chuan K. Lalruathlua goal awmchhun hmangin 1-0 in College Veng an hneh a, an champion. Kum 14 mi Ruathlua hi Most Promising Player atan thlan a ni bawk. 

Women football final-ah nikuma finalist Theiriat leh Venghlun in­hmachhawnin a hmuh­nawm hle. Hun pangngaiah goal thun lova inhnehtawkin penalty shootout hmanga a chak zawk zawn a nih hnuah Theiriat hian 4-2 in hnehna an chang ta a ni. 

Top Scorer atan goal 10 thun Theiriat midfielder PC Lalduh­thlani chu thlan a ni. Duhthlani hi Mizoram women senior team tan pawha lo feh chhuak tawh ṭhin niin nikuma MFA Women's League-ah khan Best Midfielder atan thlan a lo ni tawh bawk.

Farm Veng     1 - 0    College Veng

FAV : K. Lalruathlua 22'

Champion    Farm Veng

Fair Play    College Veng

Most Promising Player    K. Lalruathlua, Theiriat

Top Scorer    R. Lalrinhlua, Zohnuai

Theiriat    0 - 0    Venghlun

Penalty shootout-ah 4-2 in Theiriat an chak.

Fair Play    Theiriat

Most Promising Player    Lalnunsiami, Venghlun

Top Scorer    PC Lalduhthlani, Theiriat

Special Award    Sairep