Arsenal khingpui tur Benfica

Zanin dar 1:30 hian Stadio Olimpico, Rome-ah Benfica leh Arsenal te an inkhel dawn. Gunners hian Europa League-ah player ṭha ber an chhawr ṭhin lo a, Portuguese club lakah erawh an player neih ṭhat an hman a rinawm.

Arsenal hian Premier League-ah Leeds United 4-2 in an hneh a, Pierre-Emerick Aubameyang-a'n hattrick a siam. French forward Alexandre Lacazette chu bench-ah a ṭhu tluan a, Europa League atan an dah ṭha a ni thei ang.

Gunners tan hian rawlthar duhawm Bukayo Saka leh Emile Smith Rowe te an pawimawh ta hle. Real Madrid aṭangin loan hmangin Norwegian midfielder Martin Odegaard an lalut a,

Arsenal goal nawr a na sawt. Mikael Arteta-a'n squad a thlak danglam a nih chuan Nicolas Pepe leh Rob Holding te chu bul ṭan thei dinhmunah an ding a, London club hian chak ngei tumin Rome an pan ang.

Arsenal hian group stage-ah an khingpui an hneh vek a, Benfica pawhin group stage-ah chak loh an nei bik lo. Portuguese club hian Pizzi an kawl a, Portuguese mifielder hian goal ruk khung tawhin Europa League-ah top scorer a ni mek. An player dang Jan Vertonghen, Nicolas Otamendi, Julian Weigl leh Adel Taarabt te pawh hi hming langsar ve tak vek an ni a, Arsenal tan chak a awlsam dawn lo.