Mercedes um tumtu McLaren

March thla aṭangin Formula 1 season thar ṭan a ni leh tawh dawn. McLaren chuan team champion lai Mercedes hnaih thei ang bera awm an tum a, team ṭha elphak nih ngei an tum ruh hle.

Season hmasa khan Mercedes hian intlansiak 17 zinga 13 zetah hnehna an chang, an driver duhlai Lewis Hamilton chuan a vawi sarih nan champion nomawi a chawi hial, kuminah pawh driver leh team rinkai ber an ni leh ang.

McLaren Racing chief executive Zak Brown chuan, "A nihna takah chuan team champion nih tum ngawt chu a fuh ber lo mai thei. Chutih rualin inelnaah kan tel a nih chuan a ṭha ber kha kan hmachhawn ngam tur a ni.

"Mercedes ṭhat zia inhrilh nawn a ngai lo, rinkai ber pawh an ni. Mahse keini chuan Mercedes hnaih thei ang bera kal ngei kan tum dawn a, a bul aṭangin thapui kan thawh nghal ang," a ti.