India tan mualpho khuhna

Pathianni zing dar 7:30 hian India cricket team chuan New Zealand nen ODI match an khel dawn a, series kal lai meka a tawp kharna tur a nih avangin a pawimawh hle. 

Tun hnaia che ṭha tak India hian match nga khelh tura match hmasa pathumah hnehna chang vekin series an la a, mahse match linaah erawh an mualpho chiang hle. India hian over 30.5-naah run 92 chiah tlinin an out vek a, New Zealand chuan hei hi over 14.4 lekah umphain wicket riatin hnehna an chang a ni. 

Men in Blue captain Virat Kohli chu ODI match hnuhnung pahnihah hian chawlh hahdamtir a ni a, chawlh hmangin a nupui Anushka Sharma nen an zin chhuak - Kohli awm loh hlana an khelh dan avangin India-in dem an hlawh a, captain tel lo pawhin an ṭha tawk tih pholan an duh ang.