Palace-ah Batshuayi a kal

Crystal Palace chuan Chelsea striker Michy Batshuayi chu loan hmang-in an lalut a, Belgium international hian tun season tawp thleng a khel phawt ang.

Kum 25 mi Batshuayi hian season chawhma lam kha Valencia tan a khel tawh, Blues tana goal 32 khung tawh hi Tottenham leh Everton te nena sawizawm ni mah se Palace-in an chang ta zawk a ni.

Palace chairman Steve Parish chuan, "Michy hi hun rei tak aṭanga kan hriat leh duh tawh a ni, kan hnena a rawn kal thei hi kan lawmin squad ti chak zualtu a nih ngei kan beisei," tiin a sawi.

Marseille aṭanga Chelsea zawmtu Batshuayi hian London club tan hmun a chan tam loh avangin season hmasa chawhnu lam pawh khan loan hmangin Borussia Dortmund a pan tawh a, German club tan hian match 14 aṭangin goal khua a khung hman.