Inter pet chhuaktu Lazio

Ningani zan Coppa Italia quarterfinal inkelah Lazio chuan penalty shootout hmangin Inter Milan 4-3 in an hneh a, semifinal-ah AC Milan nen an inhmachhawn ang.

San Siro-ah minute 90 chhung goal a lut lo a, extra time khelh niin mikhual lam tan Ciro Immobile chuan minute 108-ah goal hmahruai a khung. Immobile-a goal hi chak pui theih tura ngaih ni mah se hun tawp hma chiahin Inter lamin captain Mauro Icardi-a penalty chhuih luh hmangin an sut a, hun a tawp zui nghal.

Penalty shootout hmangin chak zawk zawn a ni a, Lazio goalkeeper Thomas Strakosha chuan Lautaro Martinez leh Radja Nainggolan te pet a dan hnuah, Liverpool midfielder hlui Lucas Leiva chuan Lazio tana chakna goal a khung.

Semifinal aṭang chuan home leh away-ah khelh a ni tawh dawn a, first leg hi February 24-a khelh tur niin, second leg erawh April 24-ah an khel thung ang. Semifinal lehlamah champion lai Juventus hnehtu Atalanta leh leh AS Roma pet chhuaktu Fiorentina te an inkhel thung dawn a ni.