Ribery leh Robben la inkhel thei lo

Bayern Munich manager Niko Kovac chuan Franck Ribery leh Arjen Robben ten team training an zawm pangngai leh tawh thu a sawi a, mahse a senior player pahnih hi zanin dar 8:00-a Bayer Leverkusen nen an inkhelh hunah chuan an la inlan dawn rih lo.

Dutch winger Robben hian a malpui hliam vangin Bundesliga match hnuhnung pasarih a khel thei lo tawh a, France international hlui Ribery pawh malpui hnunglam na vang bawkin December thla hnuah a la inlan thei lo a ni.

Bayern manager Kovac chuan, "Ribery leh Robben te inkhel turin 100% in an la inpeih lo, tun dinhmunah risk kan la lo ang. Ningani khan Thiago Alcantara pawhin training a zawm thei lo a, a dinhmun a chiang lo bawk," tiin a sawi.

Season bul ṭan fuh tawk lo mah se German champion hian hma an sawn leh tawh, tun hnaiah a zawnin league match sarih chhung hnehna an chang tawh. Mahse, an chunga awm Borussia Dortmund an chetsual duh bik loh avangin an inkarah point ruk a la awm.

Bundesliga hmahruai mektu Dortmund hian zanin dar 8:00-ah tho Eintracht Frankfurt an hmachhawn ve dawn bawk a ni.