Mizoram Police an chak vek

67th BN Mullick Memorial All India Police Football Championship-ah Mizoram Police chuan group stage-a an khingpui Madhya Pradesh, Gujarat, Rajasthan leh Assam Rifles te hneh vekin last 16 an lut.

Zirtawpni zan khan group match hnuhnung ber chu Kottapadi Stadium, Malappuram-ah khelh niin Assam Rifles chu 5-1 in an sawp.

Mizoram Police tan hian Armed Veng tlangval Lalfakzuala'n goal hnih a khung bakah Republic Veng tlangval F. Lalrinpuia chuan hattrick a sia. Coach Lalbiaksanga Colney hote hi khel ṭha mah se an match hnuhnung berah hian a vawi khat nan goal an chhuah. Police hian match li an khelh aṭangin goal 38 an khung a ni.

Mizoram hian nizan khan Manipur nen Last 16 an khel a, result kan hre hman lo. BN Mullick Memorial All India Police Football C'ship-ah hian Mizoram Police an la champion ngai lo.