A tawpah India an chak

India chuan New Zealand nen ODI match nga an khelh tura a hnuhnung ber chu nimin khan an khel a, Men in Blue hian 35 runs a hnehna changin 4-1 in series an la.

Wellington Regional Stadium-a inkhelah hian India hi ṭhumvawr an chak a, bat hmasak an thlang. India batsman ten bul an ṭan ṭha lo - Rohit Sharma (2), Shikhar Dhawan (6) leh Shubman Gill (7) te chetsual hnuah Ambati Rayudu chuan run 90 a rawn siam a, an dinhmun ziaawmin over 49.5-ah run 252 an vaw chhuak.

New Zealand bat hun a thleng a, Indian bowler ten hming chher nan an hmang. Yuzvendra Chahal chuan wicket thum laiin over 10-ah run 41 chauh a pe a, Mohammed Shami leh Hardik Pandya ten wicket hnih ve ve la bawkin New Zealand chu run 217 an siam tihin over 44.1-ah an vawm hlum vek.

India leh New Zeland te hian T20 an khel chhunzawm leh dawn a, vawi thum an khelh tura an match hmasa ber chu February 5 zan dar 12:30 hian Wellington Regional Stadium-ah an khel ang.