Lakers lakah GSW an chak

Golden State Warriors chuan nikum krismas nia an hneh loh Los Angeles Lakers chu nimin zing khan an hneh let, NBA champion hian Lakers lakah 115-101 in hnehna an chang.

An intawn hnuhnung zawkah hian Lakers thiampuipa LeBron James chu malpui hliam vangin a chawl a, mahse a team hian hnehna an chang thei tho. Tun 

ṭumah hian quarter hmasa pathumah GSW star Stephen Curry che ṭha tawk lo mah se hnehna a chang let thung ta tho a ni.

Golden State tan point 28 score tu Klay Thompson chuan a thawhhlawk hle a, Lakers player zingah point 20 score tu chu thawhhlawk ber a ni thung.

NBA champion War­riors hian a zawna match 11 hnehna changin tun regular season bika chak zawn rei record an siam a, mahse Ningani khan Philadelphia 76ers laka an tlawm avangin an record a tawp - Lakers an hneh leh nghal theih avangin an insiamṭha nghal tih a lang.