FA Cup third round Rooney & Derby-in Palace an ngam

England captain hlui Wayne Rooney khelhna Derby County chuan Premier League club Crystal Palace an barakhaih a, an mikhualna ramah 1-0 in hnehna an chang. 

Derby tan Chris Martin chuan minute 32-naah goal hmahruai a khung a, minute 63-naah Palace captain Luka Milivojevic chu hnawhchhuah zui a nih avangin Premier League club-in an chhanglet thei lo. 

Milivojevic hi Derby midfielder Tom Huddlestone lakah a foul a, a tirah yellow card pek ni zet mah se referee Michael Oliver chuan VAR a rawn hnuah red card hi a pe a ni. 

Derby tan midfield-a khel Rooney a khel ṭha takzet a, coach Phillip Cocu chuan, "Tawnhriat nei ṭha tak a nih avangin Rooney pawimawhzia chu in hmu ang. A khel ṭha takzet a, Huddlestone nena an inkawp kha kan chak theih chhan pakhat a ni," a ti. Premier League club langsar inkhel zingah West Ham chuan 2-0 in Gillingham an hneh a, David Moyes enkawlna hnuaia khel Hammers tan Pablo Zabaleta leh  Pablo Fornals te chuan goal khat ve ve an khung.