February 13-ah Mercedes car thar
Car intlansiakna sang leh ngaihhlut ber Formula 1 team champion Mercedes chuan season thara an car hman tur W10 Formula 1 car chu February 13 hian Silverstone-ah an pholang dawn.
February 18 aṭang hian team tinin Barcelona-ah inbuatsaihna leh enchhinna chu official takin an kalpui dawn a, hemi hma hian an duh a nih chuan an car leh bungraw thar tarlan theihna hun an insiam thei.
Mercedes hi tun hnai kum nga chhung chu team champion an ni thei a, season hmasa khan an driver duhlai Lewis Hamilton chu a vawi nga nan driver championship-ah a champion bawk.
F1 team hrang hrang chuan February 11 aṭang hian an car thar pholanna hun an neih tur thu an sawi tawh, team dang pathum Williams, Haas leh Red Bull te erawh chuan car thar phochhuah hun tur an la ti chiang lo.