Zaninah MFA Futsal League 2019

RFL Plastics MFA Futsal League chu zanin hian Electric Veng Indoor Stadium-ah khelh chhunzawm a ni dawn a, group B team pariatte an inlan ang. 

Season liam ta finalist Chhinga Veng FC chuan tlai dar 5:00-ah Zonuam FC an hmachhawn dawn. Zonuam-in an match hmasa berah Ramthar club Whetstone an hneh lo a, point hmuh an duh a nih chuan goal sarih khung tawh Lalsawmzela an ven uluk a ṭul ang.

Inelna neihna hmun Electric Veng FC-in dar 6:15-ah FC Bungkawn an hmachhawn dawn a, intum tawk tura ngaih an ni. Point thum hmu tawh pahnih Tuikual North club IDBI FC leh Whetstone te zan dar 7:30-ah an inkhel dawn a, a tawp kharna tur hi derby match a ni thung dawn.

Zan dar 8:45-ah Durtlang FC leh FC Leitan te an inkhel dawn a, point la hmu lo ve ve an ni a, veng ṭhenawm laka chak loh hrehawm zia hrethiam an awm nual avangin inkhel hmuhnawm tak a ni ngei ang.