ATK chakna Manuel Lanzarote

Pathianni zan Indian Super League inkhel awmchhunah ATK chuan 2-1 in an mikhual Jamshedpur FC an hneh a, season tawpa a sang pali zinga tel an beiseina a la nung ve zel.

Kolkata club tan hian Manuel Lanzarote chu player langsar a ni a, Alaves forward hlui hian minute thumna lekah freekick hmangin goal hmahruai a khung a, minute 33-naah a goal hnihna a khung zui. 

Jamshedpur tan Mario Arques chuan minute 82-naah goal khung ve mah se an harh a tlai hret a, Jamshedpur hi an coach hlui Steve Coppell-a en­kawl team lakah an tlawm. 

ATK tan Ricky Lal­lawmawma chuan mi­nute 90 a khel tluan a, Jamshedpur tan bench aṭangin Jerry Mawi­­­hmingthanga leh Mal­sawmzuala te chu bench aṭanga luhtir an ni thung. 

Zaninah ISL inkhel a awm dawn lo a, Nilaini zanah Bengaluru FC-in Kerala Blasters an mikhual ang.