Bhubaneshwar-ah Minerva inkhel dawn

I League champion Minerva Punjab chuan AFC Champions League preliminary round 2 chu  Bhubaneshwar khawpuia Kalinga Stadium-ah an khel dawn a, AFC (Asian Football Confederation) lam chuan hei hi an pawm sak tawh.

 

Minerva neitu Ranjit Bajaj chuan, "Kalinga hi kan hmang dawn a, February emaw March-ah he hmunah hian kan inkulh ang a, home atana kan hman tur a nih ang ngeiin home advantage neih nan khelmual lo bel hman kan tum dawn a ni," a ti. 

Season hmasa I League champion hian Cham­pions League preliminary round 2-ah hian Iran club ṭha Saipa an hmachhawn dawn a, an chak zo lo a nih chuan AFC Cup group stage lamah an tla thla ang.  

Champion lai Minerva hian tun season-ah erawh beisei an phak hlei thei lo a, table-ah pariatna ni mekin vawiin chawhnu dar 2-ah hian Indian Arrows nen an inkhel dawn. 

Tlai dar 5:00-ah inkhel pakhat a awm dawn bawk a, table mawngphah Shillong Lajong chuan champion beisei Churchill Brothers an mikhual ang.