Ashley-a'n Benitez chelh a inbeisei

Newcastle United neitu sumdawng hausa tawntaw Mike Ashley chuan an club record thar siama player an lakluh hnuin coach Rafael Benitez chelh theih a inbeisei. 

Magpies hian an club player manto ber ni turin Miguel Almiron chu January transfer-ah pound maktaduai 20-in an lalut a, kum 13 chhung an club record lo ding tawh chu an khum.

Benitez hi Ashley-a'n transfer bazar-ah a duh ang sum a pek ṭhin loh avangin a lungawi lo a, season tawpah Liverpool boss hlui contract hi a tawp tawh dawn. 

Ashley chuan Benitez hi kum thum dang cham turin contract thar a zawrh a, bonus leh nipui bazar-a sum tam zawk hman tur thlengin a tiam.