Zanin aṭangin Pro Fight

Tualchhung boxing inelna ngaihhlut leh lian ber Tata Motors Yodha 4x4 Pick-up LPS Pro Fight chu zanin aṭangin neih ṭan a ni leh dawn ta, dar 8:00 hian R. Dengṭhuama Indoor Stadium, Mualpuiah inhnek ṭan a ni ang.

Zanin hian lightflyweight inhnek vawi nga, bantam inhnek vawi li leh light inhnek vawi hnih a awm dawn. Saithah tlangval F. Lalnunsanga leh Zohnuai tlangval Nelson HC Lalnunmawia chu innuai hmasa ber tur an ni.

Inelna hi a tir lamah chuan tawnhriat nei lo an inlan hmasa dawn a, February 21 aṭangin round of 16 khelh a ni dawn, hetih hunah hian state pawn aṭanga sawm luh boxer 12 pawh an inlan ṭan dawn.