Crouch-a hmingin Sausage!

Burnley striker thar Peter Crouch-a hmingin 'sausage' siam a ni a, a hmingah Crouchie's Red Hot Robot tih a ni.

Crouch hian a club thar tana a match hmasa berah Southampton lakah an tlawm mai dawna a lan tawh hnuin penalty a hlawhchhuahpui a, 1-1 in Saints nen hian an inhnehtawk phah. 

Burnley khawpuia sa hmanga sumdawng lian Heys Family Butchers chuan Crouch hming chawia sausage an siam hi nimin khan an zuar chhuak ṭan. 

Heys Family Butchers neitu Danny Heys chuan, "Player leh manager te hian club tan hlawhtlinna an thlen a nih zet loh chuan an hming chawi hian thil kan ti ngai mang lo a, mahse Burnley-a Crouchie lokal hi chuan min dawrtute ngaihven a hlawh em em a, a hming chawia sausage siam hi kan ti tlu ta a ni," tiin a sawi.