Minerva an tlawm leh tawh

Aizawl FC laka an tlawm hnuah champion lai Minerva Punjab an insiamṭha lo a, an mikhualna ramah rawlthar rual awm khawmna Indian Arrows chu 2-1 in an ngam lo. 

Arrows tan hian Rohit Danu leh Rahim Ali te chuan minute 47 chhungin goal khat ve ve an khung a, minute 69-naa Moinuddin Khan goal khung ve chuan Minerva tan awmzia a nei pha lo.

Nimin inkhel dangah Shillong Lajong chuan Churchill Brothers an mikhual a, he thu buatsaih a nih lai hian result kan hre hman lo. 

Vawiinah I League in­khel pakhat a awm dawn a, Real Kashmir chuan chawhnu dar 2:00-ah Goku­lam Kerala an mikhual ang.