Armed Veng leh Chanmarians inhnehtawk

Mahuma Cricket Tournament, round thumna match hmasa berah chak zawk an awm lo a, nimin khan Chanmarians leh Armed Veng an inhnehtawk. 

Chanmarians hian first innings-ah run 212 siamin over 53.4 thleng an daih a, ball 80-a run 74 siamtu F. Vanlalmuanzuala a che ṭha hle. 

Armed Veng tan Ganjender Singh rawn che ṭha ve lehin century (110) a rawn vaw chhuak a, over 59.1-ah out vekin run 256 an rawn tlin. 

Armed Veng hian run 44-in hma hruai mah se second innings-ah Chanmarians hian run 212 an rawn siam leh a, over 44-ah wicket li siamin an duhtawk - Armed Veng hian over 23-ah run 103 rawn siamin wicket riat an hloh a, ni in a daih tawh loh avangin inhneh­tawkah puan an ni. 

First innings-a run siam hnem zawk Armed Vengin point thum an nei a, Chanmarians hian point khat an hlawh chhuak thung.