Wawrinka a chak lo nghal

Australian Open hnua a match hmasa berah Stan Wawrinka chu a chak lo nghal. Nimin zing khan Swiss tlangval hi Marius Copil hneh loin Sofia Open aṭanga vuak tlak a ni.

Bulgaria khawpuia inkhelah Grand Slam vawi hnih champion tawh Wawrinka hi 3-6, 7-6 (7-5), 6-4 in a chak lo. Season hnih chhung hliam vanga khel mumal thei lo hi tunah chuan world ranking-ah pawh 57-na a ni mek a, hma a sawn hleithei rih lo.

Inelna dang Open Sud de France lamah khawtual tlangval Jo-Wilfried Tsonga chuan set a hloh hmasak hnuah Ugo Humbert chu 3-6, 7-6 (7-5), 6-4 in a hneh let thei.

German player Mischa Zverev chu hun tepter tawh takah hliam tenau vangin a inhnukdawk a, inkhel dangah Jeremy Chardy chuan Adrian Menendez-Maceiras 6-1, 6-1 in a hneh thung.