Atalanta-in UCL an hnaih

Coppa Italia aṭanga Juventus pet chhuaktu Ata­lanta chu Serie A lamah pawh an hrang chhunzawm. Thawhṭanni zan inkhelah Atalanta hian Cagliari 1-0 a hnehin point 35 an hmu.

Atalanta tan hian se­cond half ṭan tir lamah Hans Hateboer chuan Timo­thy Castagne-a cross a tauh lut a, inelna hrang hrangah tun hnai an match hnu­hnung paruk zinga pa­nga­ah hnehna an chang thei.

Serie A match 22 khelh tawh chinah Atalanta hi pangana an ni mek a, an chunga awm AC Milan an phak lohna chu point khat chiah a ni. Season thara Champions League khel tur china awm Inter Milan nen an inkarah pawh point nga chauh a awm avangin a vawi khat nan UCL khelh an beisei mek.

Thawhṭanni zan inkhel dangah Lazio chuan table mawng lama talbuai mek Frosinone chu Felipe Caicedo-a goal khat hmangin 1-0 in an hneh ve bawk.