Halep-i coach thar Cleemput

Tennis hmeichhe world number 1 hlui Simona Halep chuan a coach thar atan Thierry Van Cleemput a la a, kar leh aṭanga khelh tur Qatar Open aṭangin an thawkdun 

ṭan dawn a ni.

French Open champion Halep hi a coach Darren Cahill nen an inṭhen hnuah tun season ṭantirhah coach a nei lo a, Grand Slam hmasa ber Australian Open-ah khan coach nei loin a inlan. Tuna a coach Van Cleemput hian world number 21 David Goffin pawh a lo enkawl tawh ṭhin.

Kum 27 mi Halep chuan, "Number 1 nichungin season bul ka ṭan a, inelna lian pakhat ka khelh ṭhat loh avangin pathumnaah ka hnungtawlh. Tunah chuan Cleemput nen chona thar kan hmachhawn leh tawh ang," tiin a sawi.

Tun kar tawp hian Fed Cup-ah Halep hi an ram aiawhin a inlan dawn a, chumi hnuah Doha leh Dubai-ah inelna a hmachhawn zui dawn a, clay court inelna lian French Open atana inbuatsaihna a ni chho zel tawh ang.