Chess Federation meeting-ah Mizo

All India Chess Federation (AICF) chuan February 14 khan The Leela Ambience Convention Hotel, New Delhi-ah Annual General Body Meeting leh Central Council Meeting a nei a,  Mizoram Chess Association (MCA) aiawhin MCA Treasurer Zosangluaia, Ramhlun Vengthar a tel.

Meeting-ah hian kum nga chhunga AICF VISION DOCUMENT tlangzarh a ni. AICF hmathlirah hian NorthEast state pariatten chess game-a hma an sawn theih dan tur te, kum tina NorthEast state huamchhung bika International Grand Master neih dan tur te leh kum 2024-a Chess Olympiad thlen dan tur te a tel a ni.

North East Chess Forum-te chess hmasawnna atana hmalakna atan kum tin cheng nuai 35 pek leh AICF affiliated Unit tinte kumtin cheng nuai 10 ṭheuh pek dan tur te sawiho a ni bawk. Meeting hian ramchhung school hrang hrangah chess chu zirlai pakhata telh a nih theih dan tur leh, chess player leh coach-ten Arjuna Awards leh Dronacharya Awards tam zawk an dawn theih nana hmalak dan tur an sawiho bawk.