Hammers-in Saints an tuk dawl

West Ham chuan relegation zone tlansan turin Southampton chu 3-1 in an hneh a, Jarrod Bowen, Sebastian Haller leh Michail Antonio ten goal khat ṭheuh an khung. 

Hammers tan Bowen chuan minute 15-na lekah goal hmahruai a khung a, kum 23 mi forward hi January-a Hammers zawmtu kha a ni - pound maktaduai 20 man striker hian a club thar tana inkhel bul a ṭan hmasak berah goal a khung nghal. Saints tan Michael Obafemi chuan si phurh hi a rawn sut ṭhen a, mahse West Ham-in Haller leh khel ṭha em em mai Antonio hmanga chhang let lehin an chak.