VAR vangin yellow card

UEFA chuan thuchhuah siamin video assistant referee (VAR) hmanna inelnaah reng reng player-in kut zazir hmanga VAR rawn tura referee a tih chuan yellow card a hmuh tur thu an sawi. 

Europe-a football thuneitu sang berin thuchhuah a siam thar hi dan dinglai a ni a, mahse nikum World Cup leh inelna danga VAR hmannaah he dan hi an la hmang lo. 

Mahse, kar lehah Champions League last 16 khelh a ni leh tawh dawn a, hetah hian VAR hi hman tur niin UEFA chuan player leh club-te an lo inrinlawk theih nan he dan hman tel a nih tawh tur thu hi an sawi.

UEFA chuan, "Player-ten VAR signal siamchawp chunga referee an hual vel a nih chuan hrem theih an ni dawn a ni," an ti.