Gorkha tan Abhay Joshi

Mahuma Memorial Cricket Tournament khelh mekah Gorkha CC chuan nimin khan run 46-in Bawngkawn South an hneh a, Gorkha tan tual­chhung tlangval Abhay Joshi chuan century vaw chhuak­in a che ṭha hle. 

First innings-ah Gor­kha hian run 95 chiah siam­in over 32.4 thleng an tlin a, an ropui lo hle - an vanneihna chu Bawng­kawn an ropui bik lo kha a ni. Over 35.5-ah run 96 chiah an rawn siam a, run khatin hma an hruai!

Second innings-ah Abhay Joshi a rawn inlar ṭan a, run 117 ngawt siamin Gorkha tan a che pui hle - over 55.3-ah run 202 an siam. Bawngkawn South lamin theihtawp chhuah mah se run 155 chiah siamin over 43.5-ah an thi vek a, an tlawm.