Jan 9 aṭangin I Div One Day

Cricket Association of Mizoram hnuaia I Division club pariatte inelna First Division One Day Tournament 2020 chu January 9, Ningani aṭang hian Ramhlun Sports Complex-ah khelh ṭan a ni dawn a, ruahman dan chuan inelna hi January 14, Zirtawpniah zawhfel tur a ni ang.

Pathianni tlai khan tie draw neih a ni a, team pariat chu group pahnihah ṭhen hran an ni. Group A-ah Ramhlun Venglai, Durtlang, Zemabawk Pitchers leh Chhinga Vengte an awm. Group B lamah Kulikawn, Chanmarians, Gorkha leh Zarkawt Lords te an awm thung a, group pakhata mi hi vawi khat ṭheuh an inkhelh kual hnuah a sang ber pahnih ten final an khel dawn a ni.