FA Cup-ah Brighton an chak
Nilaini zan khan FA Cup inkhel pakhat a awm a, Brighton & Hove Albion leh West Brom te chu hun pangngaiah 1-1 in an inhnehtawk a, extra time-ah Premier League club Brighton chu 3-1 in an chak.
Hawthorns-ah Championship club West Brom tan Kyle Bartley chuan minute 77-naah goal hmahruai a khung a, Brighton lamin Florin Andone hmangin minute 82-naah an sut. Extra time khelh a nih hnuin Brighton substitute Glenn Murray chuan goal hnih a khung a, 3-1 in hnehna an chang.
Football tournament upa ber hi February 15-18 chhung hian fifth round khelh a ni leh dawn a, champion lai Chelsea chuan Manchester United an mikhual dawn avangin team lian pakhat chu an tla leh ngei dawn a ni.