Tsonga-a'n Simon a hneh

Jo-Wilfried Tsonga chuan South of France Open-a quarterfinal lut turin champion tura rinkai zinga mi Gilles Simon a hneh. Tsonga hian vawiinah Jeremy Chardy a hmachawn zui leh nghal ang.

Nilaini zan inkhelah Tsonga hian darkar khat leh minute 34 chhungin 6-2, 7-6 (3) in hnehna a chang a, a khingpui tur Chardy hian Antoine Hoang lakah 6-3, 7-5 in hnehna a lo chang ve bawk a ni.

Inkhel dangah Tomas Berdych chuan a zawna game riat ngawt la zawnin Benoit Paire 6-2, 6-0 in a hneh a, minute 58 an inkhelh chhungin point nga bak hloh a nei lo. Seeded pahnihna David Goffin 6-4, 6-4 a hnehtu Filip Krajinovic nen an inhmachhawn ve leh thung ang.