South Indian derby a 'hot'

Indian Super League-ah South Indian derby a 'hot' a, Nilaini zan khan inkhel boruak sang takah Benga­luru leh Kerala Blasters chu goal hnih ve ve khungin an inhnehtawk. 

Kerala tan Slavisa Stojanovic chuan minute 16-naah penalty hmang­in goal hmahruai a khung a, mi­nute 40-naah Courage Pekuson chuan mawi zetin a khung chhunzawm bawk - Bengaluru an hawihai hle. 

Mahse, Bengaluru an bei­dawng lo. Club lian zia chhuahin Udanta Singh leh Sunil Chhetri ten second half-ah goal an khung ve leh a, hun a tawp meuh chuan 2-2 in an inhnehtawk. 

Bengaluru tan Edmund Lalrin­dika chuan inkhel bul a ṭan a, Kera­la Blasters lamah hrem vangin Lalruatthara'n inkhel bul a ṭan thei lo thung. 

Zanin dar 7:30-ah inkhel pa­khat a awm dawn a, Jerry Mawi­hming­thanga leh Malsawmzuala te khelhna Jamshedpur FC chuan Mumbai City an mikhual ang.