CAF general secretary hlui a thi

Africa khawmualpuia thuneitu sang ber Confederation of African Football (CAF) general secretary Amr Fahmy chu kum 37 mi niin a thi a, kum hnih chhung chu cancer natna avangin Amr hi a buai tawh a ni. 

CAF chuan thuchhuah siamin an hotupa hlui an sun thu an sawi a, "A chhungte, a bik takin a nu leh pa, a nupui leh fanu kan tawrhpui takzet a ni," an ti.

Amr Fahmy hian December khan 2021-a CAF President thlanna an neih turah chuh a tum thu a sawi a, football hmasawnna tur ngaihtuah chunga hlemhletna awm ṭhin umbo chu a hna tur a nih thu a sawi. 

Mahse, Egypt mi Fahmy hian a duhthusam hi a hlawhtlinpui thei dawn ta lo a, a nupui leh a fanu kum thum mi lek chu a kalsan a ni. 

Amr Fahmy hian thluak cancer a nei a, an ram khawpui Cairo leh Paris khawpuiah hun hmang berin a inenkawl ṭhin.