Futsal League-ah Laipui a puak

RFL Plastics MFA Futsal League Season 2-ah Laipuitlang club Laipui FC, Dinthar club Lawmna FC leh Chanmari Zothan Futsal te chu group A-ah awmin match hnih an khelhah an la chak vek.

 Vawiin hian Electric Veng Indoor Stadium-ah group A team te hian round 3 an khel leh nghal ang. 

Laipuitlang club Laipui FC hian Bawngkawn FC chu 8-5 in an hneh a, match hnih lekah goal 19 an khung. Zanin hian Laipui FC hian chak la nei lo Armed Veng South an hmachhawn ang.

Dinthar club Lawmna FC pawhin goal riat khungin Saron Veng FC 8-3 in an hneh a, zanin match hnuhnung berah Ramhlun South FC an hmachhawn dawn. Lawmna FC tan George MS Dawngliana chuan match hnih lekah goal 11 a khung a, inelna neih mekah a ke a la hmui ber.

Chanmari Zothan Futsal leh Ramhlun South an inkhel tawk a, a tawpah champion lai Chanmari 7-5 in an ding chang a, Lalrammuanpuia'n hattrick a siam.

Group B ang lo takin group A lamah chung lam leh hnuai lam an inthliar ṭan a, round 3 result a zirin quarterfinal khel tur chungchangah ngaihdan a siam chhoh theih ṭan ang.