African Nations Championship khelh hun a chiang

CHAN tia hriat lar African Nations Championship chu April 4 khian khelh ṭan a ni dawn a, inelna thlengtu Cameroon leh team 15 dang te an inel ang. 

Match hmasa berah Cameroon hian Zimbabwe an hmachhawn dawn a, an khelhna tur hmun hi Stade Ahmadou Ahidjo a ni - he stadium-ah vek hian April 25 khian final khelh a ni dawn. 

Champion lai Morocco chuan April 6-ah match an khel ṭan dawn a, an match hmasa berah Togo an hmachhawn dawn. Team 16 hi group paliah team pali zel awmin ṭhen an ni a, group tina a sang pahnihin quarterfinal an lut ang.

CHAN hi Africa Cup of Nations (AFCON) nen hriat pawlh loh tur a ni - CHAN bikah chuan ram tin player-te hi an ram football league ngeia khel an nih a ngai a ni.