Racism-in hnehna a chang - Rudiger

Chelsea defender Antonio Rudiger chuan, "Chi inthliarnain hnehna a chang a ni," tiin December 22-a hmuhsit a tawhna avanga thil thleng chungchang a sawi a, thuneitute thutluknaah a lungawi thei lo. 

Rudiger hian December 22 khan Tottenham Hotspur khelmualah mualneitu fan-ten a vun rawng vangin an hmusit niin a sawi a, 2-0 a hnehna an channa inkhelah hian zawng hram anga hram chunga tih el a ni tih sawiin inkhel tihtawp lailawk a ni hial. 

January 6 khan Spurs chhuan thuchhuah siamin thil sual titute hi theihtawp chhuaha an chhui thu an sawi a, mahse Rudiger hian hmuhsitna a tawk ngei a ni tih tichiang turin finfiahna an nei thei lo. 

Rudiger chuan, "Hrem an tawk ngai lo a, a tawpah chuan a tuartu chu keimah ka ni. Mahse, ka beidawng dawn lo. Ka aw ka chhuah reng dawn a, mahse ka thil beihah hian thlawptu ka nei lo. 

"Chi inthliarnain hnehna a chang leh ta a ni. Thil sual titute kha stadium-ah an lo kir leh thei a, chu chuan hnehna an chang ta tih a entir. Kar hmasa lawk khan fa ka nei thar a, ka fate pawhin ka thil tawrh ang tho hi an tuar ve leh 

ang," a ti.

German defender thusawi avang hian Spurs pawhin thuchhuah siam ve lehnghalin Rudiger an thlawp tlat thu an sawi a, thuthar a awm a nih chuan Rudiger-a buaina chungchang chu chhui ṭha tura an inpeih reng thu an sawi.