Nantes-in Sala leina sum an phut

French club Nantes chuan Cardiff City hnenah Emiliano Sala leina man pound maktaduai 15 chu pek an phut a, Premier League club lam hian an document neih te a fel hma chu pek an tum bik lo.

Sala man hi vawi khata pek zawh tur a ni lo a, instalment-in kum thum chhunga pek tlak tur a ni. French chanhinbu L'Equipe-in a kawmnaah Cardiff chairman Mehmet Dalman chuan Nantes chuan an pek hmasak tur euro maktaduai 6 (£5.27m) dawn inbeiseia an ṭhin thu a sawi.

Dalman chuan, "Thawhtheihna leh ruang buaipui mek lai a ni a, an chhungte pawh kan zah a ṭul a ni," tiin a sawi a, French club chet dan chu mak a ti hle. Nantes hian ni 10 chhunga an pe lo a nih chuan thuneitute bula kalah an vau niin hriat a ni.

Sala hi Cardiff player manto ber a ni nachungin vawi khat mah a inlan hman lo a, Argentine forward-ah hian club-in 'insurance' an tih leh tih loh hriat a ni lo.