Playoff khel turin Bucks an tling

NBA regular season vanglai a ni a, khel ṭha tluang tak Milwaukee Bucks chu playoff khel turin an tling der tawh. Eastern Conference-ah Bucks hian match 49 hnehna an chang tawh a, basketball inelna sang berah hian playoff khel tura hun mamawh rei lo ber an ni.

Giannis Anteto-kounmpo awmna team hian nimin zing khan Washington Wizards chu 134-137 in an hneh. Wizards nen an inkhelh hmain Bucks hi playoff khel turin an tling tawh. Thawhṭanni zing khan Chicago Bulls-in Washington Wizards hi 126-117 a an lo hneh tawh avangin Bucks hi pariatna chinah an awm ngei dawn tih a chiang tawh a ni.

NBA regular season bikah Golden State Warriors (2015-16) leh Chicago Bulls (1995-96) te chuan match 70 hnehna an lo chang tawh, tun season kal laiah Bucks hian vawi 48 hnehna chang tawhin vawi riat an chak lo - club ropui pahnih record umphak theihna hun ṭha an nei mek.