Zarkawt Lords-in Chhinga Veng an sawp

Mahuma Memorial Cricket Tournament-ah Inrinni khan Zarkawt Lords chuan wicket sawmin Chhinga Veng CC an hneh. 

Suaka Cricket Ground-ah Chhinga Veng an bat hmasa zawk a, first innings-ah over 43.3 thleng daihin run 155 an siam. Zarkawt tan Pratik Pratap Desai rawn inlanin run 112 zet a rawn siam a, Zarkawt hian over 64.5-ah run 240 tlinin first innings-ah run 85-in hma an hruai. 

Second innings-ah Chhinga Veng an insiamṭha lo. Over 35 tlinin run 125 an siam hram - Run 85-a hma hruai sa Zarkawt lamin over 5.5 lekah run 42 siamin target an umpha a, Pratik Pratap Desai chuan ball 15-a hmachhawnah run 33 a siam hman hram a, wicket kuain a team hi a chakpui.