Whittaker inhnuhdawh ni-ah Adesanya chak

Pathianni zing khan UFC 234 neih a ni a, middle­weight champion nilai Robert Whittaker chu Kelvin Gastelum laka a kawnghren humhim tura tih ni mah se fight neih hmain a na thut a, a inhnukdawk.

Hetihlai hian UFC 234-a in fight tur zinga mipui nghahhlelhah Israel Adesanya chuan Anderson Silva hnehin 29-28, 30-27, 30-27-a chak zawkah puan a ni a, vawi 16 fight a hma­chhawnah a la tlawm lo. 

UFC thuneitute chuan fight hmachhawn ta lo Robert Whittaker chu fight hmachhawn tura a inbuatsaih laiin tila ril tla vanga a buai thu an sawi a, damdawi In lamah hmanhmawh takin zai a ni. 

Whittaker hma­chhawn tura ruahman sa Gastelum chuan, "Kei­mah hi champion ka ni tawh," tiin sawi mah se UFC president Dana White chuan Whittaker chu champion lai a la nih reng thu a sawi.